डेल्ही बेली नेट व्हर्जन 2
इन्ट्रो- उपदेशपर, संदेशपर नसलेली अस्सल आणि अट्टल दिल्लीचं महाविद्यालयीन, विद्यापीठातील वातावरण दर्शवणारी, डेल्ही बेली चित्रपटाशी साम्य असलेली ही वेब सीरिज आहे.
महाविद्यालयीन मित्रांची मैत्री महाविद्यालायतील आयुष्य, विद्यापीठाचं वातावरण, तेथील विद्यार्थी निवडणुका... विद्यापीठातील राजकारण, वसतिगृहातील घडणाऱ्या मजेदारपासून विध्वंसक गोष्टी... राजकीय प्रकरणं... प्रेम प्रकरणं... कॉलेजातील नेतेगिरी... हे सर्व काही चित्रपटांमधून बघितलंय.
या मूळ विषयात दिल्ली आणि प्रतिकात्मक दिल्ली विद्यापीठ असेल तर मग ती कलाकृती एकूणच मनोरंजक, रसदार, रंगतदार आणि कसदार होते. दिल्लीमध्ये कॉलेज, विद्यापीठ आणि तेथील विद्यार्थी संघटना, मोर्चे, संप नेत्यांचा प्रभाव हा इतर शहरांतील विद्यार्थी राजकारणापेक्षा जास्त आणि प्रभावी असतो.
या विषयाच्या आणि दिल्लीच्या एकदंर पार्श्वभूमीवर तीन मित्रांच्या महाविद्यालयीन आयुष्यावर आणि ते सुरु करत असलेल्या एका पार्ट-टाइम व्यवसायावर हलकी फुलकी एक कथा रचून लोकप्रिय सीरिजची निर्मिती 'स्कुपहूप' या युट्यूब चॅनलने केली आहे. ती म्हणजे 'बेक्ड'!
रात्री अपरात्री भूक लागणे ही गोष्ट घरापासून दूर परगावी राहणाऱ्या विद्यार्थी, तरुण मंडळींसाठी किती मोठा यक्षप्रश्न असतो हे त्यांनाच माहिती! जावे त्याच्या वंशा तेव्हाची कळे. अश्यावेळी कोणतीही उपाहारगृहे, होम डिलिवरी काहीही उपलब्ध नसतं.
रात्री बेरात्रीच्या या भुक्कडांसाठी, भुकेचं क्रेविंग शांत करण्यासाठी तीन मित्र एक बिजनेस सुरु करतात. फक्त रात्रीच अन्नाची होम डिलिव्हरी!
मोहम्मद हारिस मध्यमवर्गीय घरातील साधा सभ्य भाबडा संस्कारी मुलगा हा कानपुरहुन दिल्लीला शिकायला येतो. हॉस्टेलला जागा न मिळाल्याने पेईंग गेस्ट्स् म्हणून आधीपासून दोन विद्यार्थी रहात असलेल्या खोलीत राहायला येतो.
ते दोन म्हणजे ऑनी आणि बॉडी हे अगदी मुरलेले दिल्लीकर झालेले असतात. तेव्हा सुरवातीला हॅरीसची थोडी खिचाई केल्यावर मात्र एका रात्री उपाशी पोटी "दिल्ली के ठग'वर विश्वास टाकल्यामुळे अकस्मात एका अडचणीत सापडल्यावर तिघांमध्ये मैत्री होते! त्याच रात्री त्यांना कल्पना सुचते ती रात्रीची खाण्याची होम डिलिव्हरी करण्याचं ‘स्टार्ट अप' सुरु करण्याची! हॅरिस हा उत्तम कूक असतो!
या पार्ट-टाइम व्यवसायाच्या साऱ्या धावपळीच्या पार्श्वभूमीवर कॉलेजमधील विविध विद्यार्थी संघटनेचं राजकारण... हॅरिसला आवडत असलेली लारा नावाची नेतेगिरी करणारी, बोल्ड बिनधास्त असलेली मुलगी, शिवाय दुसऱ्या मुलीशी त्यांचं सुरु असलेलं एक प्रेमाचं नातं... रूममेट्स ऑनीचं स्वतःचं एक सिक्रेट, बॉडीची दिल्लीत रहायची कसरत सुरु असते.
बेक्ड ही वेब सीरिज "डेल्ही बेली" या तुफान लोकप्रिय आणि थोडा वादग्रस्त झालेल्या चित्रपटापासून प्रेरित आहे हे स्पष्ट जाणवतं.
तीन मित्रांचा ग्रुप हा नेहमीच चांगला वाटतो. थ्री एडियट्स पासून चित्रपटांमध्ये तीन मित्रांचा ट्रेंड सूरु झालाय. यातही हे तीन मित्र सीरिजला वेगळा टच देतात.
हॅरिस हा एक समजूतदार, चांगला, सुसंस्कारी विद्यार्थी असतो त्याची भूमिका प्रणय मनचंदा या नवोदित अभिनेत्याने अप्रतिम रंगवली आहे. त्याच्या शिवाय ही भूमिका कल्पना करणेही अशक्य वाटते इतका तो, त्याचा निरागस चेहरा, हावभाव यांचा ताळमेळ जमलाय.
ऑनीची भूमिकाही शंतनू आनम या नवोदित अभिनेत्याने केली आहे. जाडा, दिल्लीत मुरलेला, ग्रुपचा मेंदू, काहीसा लीडर असलेली त्याची भूमिका अगदी मस्त निभावली आहे.
बॉडीची भूमिका मानिक पपनेजा याने केली आहे. कोणत्याही प्रकारे तो नवोदित अननुभवी अभिनेता वाटत नाही. इतके तिघांनीही आपापल्या भूमिका सुरेख उभ्या केल्या आहेत.
क्रिती विज ही लारा ब्रारा बोल्ड आणि बिनधास्त "दिल्ली की लडकी" वाटलीये.
सिजन पहिला हिट झाल्यावर दुसराही सिजन आला आणि लोकप्रिय झाला! यात दिल्लीचे वातावरण, सामाजिक राजकीय स्थिती, दिल्लीतील फसवेगिरी, ठगगिरी यांचंही प्रतिबिंब दिसतं. त्यामुळे सीरिज रंजक, रंगतदार झालेली आहे.
दिल्लीतील तरुणांमध्ये असलेलं ड्रग्सची क्रेजही दिसून येतं. एकूण दहा नेटीसोड्स असलेली ही सीरिज आहे. सिनेमटोग्राफी, संवाद, दिग्दर्शन, अभिनय सर्व जमलंय.
स्कुपहूपची वेब सीरिज पूर्णतः तरुणांची आजची मानसिकता, भाषा, विचारपद्धती लक्षात ठेउनच तयार केलेली आहे. पण कुठे कुठे त्याचा अतिशोयक्तपणा झालेलाही वाटतो.
एक चांगली लोकप्रिय, उगाच कुठले उपदेश व काही साध्य करण्यासाठीचा झगडा नसलेली ही मोकळी ढाकळी नेट सीरिज आहे.
सो एन्जॉय बेक्ड सीरिज विथ बेक्ड टोस्ट अँड टी! अँड चिलॅक्स!!
इन्ट्रो- उपदेशपर, संदेशपर नसलेली अस्सल आणि अट्टल दिल्लीचं महाविद्यालयीन, विद्यापीठातील वातावरण दर्शवणारी, डेल्ही बेली चित्रपटाशी साम्य असलेली ही वेब सीरिज आहे.
महाविद्यालयीन मित्रांची मैत्री महाविद्यालायतील आयुष्य, विद्यापीठाचं वातावरण, तेथील विद्यार्थी निवडणुका... विद्यापीठातील राजकारण, वसतिगृहातील घडणाऱ्या मजेदारपासून विध्वंसक गोष्टी... राजकीय प्रकरणं... प्रेम प्रकरणं... कॉलेजातील नेतेगिरी... हे सर्व काही चित्रपटांमधून बघितलंय.
या मूळ विषयात दिल्ली आणि प्रतिकात्मक दिल्ली विद्यापीठ असेल तर मग ती कलाकृती एकूणच मनोरंजक, रसदार, रंगतदार आणि कसदार होते. दिल्लीमध्ये कॉलेज, विद्यापीठ आणि तेथील विद्यार्थी संघटना, मोर्चे, संप नेत्यांचा प्रभाव हा इतर शहरांतील विद्यार्थी राजकारणापेक्षा जास्त आणि प्रभावी असतो.
या विषयाच्या आणि दिल्लीच्या एकदंर पार्श्वभूमीवर तीन मित्रांच्या महाविद्यालयीन आयुष्यावर आणि ते सुरु करत असलेल्या एका पार्ट-टाइम व्यवसायावर हलकी फुलकी एक कथा रचून लोकप्रिय सीरिजची निर्मिती 'स्कुपहूप' या युट्यूब चॅनलने केली आहे. ती म्हणजे 'बेक्ड'!
रात्री अपरात्री भूक लागणे ही गोष्ट घरापासून दूर परगावी राहणाऱ्या विद्यार्थी, तरुण मंडळींसाठी किती मोठा यक्षप्रश्न असतो हे त्यांनाच माहिती! जावे त्याच्या वंशा तेव्हाची कळे. अश्यावेळी कोणतीही उपाहारगृहे, होम डिलिवरी काहीही उपलब्ध नसतं.
रात्री बेरात्रीच्या या भुक्कडांसाठी, भुकेचं क्रेविंग शांत करण्यासाठी तीन मित्र एक बिजनेस सुरु करतात. फक्त रात्रीच अन्नाची होम डिलिव्हरी!
मोहम्मद हारिस मध्यमवर्गीय घरातील साधा सभ्य भाबडा संस्कारी मुलगा हा कानपुरहुन दिल्लीला शिकायला येतो. हॉस्टेलला जागा न मिळाल्याने पेईंग गेस्ट्स् म्हणून आधीपासून दोन विद्यार्थी रहात असलेल्या खोलीत राहायला येतो.
ते दोन म्हणजे ऑनी आणि बॉडी हे अगदी मुरलेले दिल्लीकर झालेले असतात. तेव्हा सुरवातीला हॅरीसची थोडी खिचाई केल्यावर मात्र एका रात्री उपाशी पोटी "दिल्ली के ठग'वर विश्वास टाकल्यामुळे अकस्मात एका अडचणीत सापडल्यावर तिघांमध्ये मैत्री होते! त्याच रात्री त्यांना कल्पना सुचते ती रात्रीची खाण्याची होम डिलिव्हरी करण्याचं ‘स्टार्ट अप' सुरु करण्याची! हॅरिस हा उत्तम कूक असतो!
या पार्ट-टाइम व्यवसायाच्या साऱ्या धावपळीच्या पार्श्वभूमीवर कॉलेजमधील विविध विद्यार्थी संघटनेचं राजकारण... हॅरिसला आवडत असलेली लारा नावाची नेतेगिरी करणारी, बोल्ड बिनधास्त असलेली मुलगी, शिवाय दुसऱ्या मुलीशी त्यांचं सुरु असलेलं एक प्रेमाचं नातं... रूममेट्स ऑनीचं स्वतःचं एक सिक्रेट, बॉडीची दिल्लीत रहायची कसरत सुरु असते.
बेक्ड ही वेब सीरिज "डेल्ही बेली" या तुफान लोकप्रिय आणि थोडा वादग्रस्त झालेल्या चित्रपटापासून प्रेरित आहे हे स्पष्ट जाणवतं.
तीन मित्रांचा ग्रुप हा नेहमीच चांगला वाटतो. थ्री एडियट्स पासून चित्रपटांमध्ये तीन मित्रांचा ट्रेंड सूरु झालाय. यातही हे तीन मित्र सीरिजला वेगळा टच देतात.
हॅरिस हा एक समजूतदार, चांगला, सुसंस्कारी विद्यार्थी असतो त्याची भूमिका प्रणय मनचंदा या नवोदित अभिनेत्याने अप्रतिम रंगवली आहे. त्याच्या शिवाय ही भूमिका कल्पना करणेही अशक्य वाटते इतका तो, त्याचा निरागस चेहरा, हावभाव यांचा ताळमेळ जमलाय.
ऑनीची भूमिकाही शंतनू आनम या नवोदित अभिनेत्याने केली आहे. जाडा, दिल्लीत मुरलेला, ग्रुपचा मेंदू, काहीसा लीडर असलेली त्याची भूमिका अगदी मस्त निभावली आहे.
बॉडीची भूमिका मानिक पपनेजा याने केली आहे. कोणत्याही प्रकारे तो नवोदित अननुभवी अभिनेता वाटत नाही. इतके तिघांनीही आपापल्या भूमिका सुरेख उभ्या केल्या आहेत.
क्रिती विज ही लारा ब्रारा बोल्ड आणि बिनधास्त "दिल्ली की लडकी" वाटलीये.
सिजन पहिला हिट झाल्यावर दुसराही सिजन आला आणि लोकप्रिय झाला! यात दिल्लीचे वातावरण, सामाजिक राजकीय स्थिती, दिल्लीतील फसवेगिरी, ठगगिरी यांचंही प्रतिबिंब दिसतं. त्यामुळे सीरिज रंजक, रंगतदार झालेली आहे.
दिल्लीतील तरुणांमध्ये असलेलं ड्रग्सची क्रेजही दिसून येतं. एकूण दहा नेटीसोड्स असलेली ही सीरिज आहे. सिनेमटोग्राफी, संवाद, दिग्दर्शन, अभिनय सर्व जमलंय.
स्कुपहूपची वेब सीरिज पूर्णतः तरुणांची आजची मानसिकता, भाषा, विचारपद्धती लक्षात ठेउनच तयार केलेली आहे. पण कुठे कुठे त्याचा अतिशोयक्तपणा झालेलाही वाटतो.
एक चांगली लोकप्रिय, उगाच कुठले उपदेश व काही साध्य करण्यासाठीचा झगडा नसलेली ही मोकळी ढाकळी नेट सीरिज आहे.
सो एन्जॉय बेक्ड सीरिज विथ बेक्ड टोस्ट अँड टी! अँड चिलॅक्स!!
No comments:
Post a Comment