पु लं नी त्यांच्या 'नारायणाचं' वर्णन केलंय, कोणतंही काम असो ते करायला नारायण कायम तयार असतो. असेच भारतीय क्रिकेटमधील दोन नारायण आहेत, रवी शास्त्री आणि दिनेश कार्तिक.
कमेंट्री करायला “इट वेन्ट लाईक ए बुलेट” म्हणायला रवी शास्त्री असतो. मॅनेजर म्हणून गरज पडल्यास शास्त्री बुवाला हांक मारली जाते. वर्ल्डकप वाईटरित्या हारून आलेत की पार्ट टाइम मॅनेजर आणि कोच म्हणून शास्त्री बुआला कामाला लावलं जातं.
मेंटर म्हणून शास्त्री. निवेदक म्हणून रवी शास्त्री. असा हाबीसीसीआयचा एक नारायण.
दुसरा एक दिवट्या नारायण म्हणजे दिनेश कार्तिक. हासुद्धा कायम ड्युटीवर असतो. ‘महेंद्रोदय’ होण्यापूर्वीपासून दिनेश कार्तिक बीसीसीआयच्या घरी कामाला आहे.
विकेट किपर म्हणून दिनेश कार्तिक. विदेशी कठीण दौऱ्यावर, ओपनरचा अनुभव नसला तरीही ओपनर म्हणून दिनेश कार्तिकला . रेग्युलर ओपनर फ्लॉप झाले की मिडल ऑर्डरमधील कार्तिकला वरती कोऱ्या लाल चेंडूच्या तोंडी ..तोफी दिलं जायचं. चालू दौऱ्यात कोणता खेळाडू जखमी झाला की दौऱ्यावर ऐनवेळी स्वामींना बोलवलं जाई. अजूनही बोलवलं जातं.
काही खुट्ट झालं की अरे "दिन्या ये रे जरा मदतीला.." अशी अवस्था एक दशक होती.
कधी किपर कधी स्लिप(र). आजवर पहिल्या ते सात नंबर पैकी सगळीकडे हा खेळला असावा .
पण तरीही कायम निराश करणारा खेळाडू. जवळपास पंधरा वर्षांपासून खेळत असलेला पण कधीही विश्वसनीय न वाटणारा, कायम अपरिपक्व भासणारा हा खेळाडू राहिला.
एकदा सचिन तेंडुलकरला हँडरेड करायला चार रन्स हवे होते आणि जिंकायला पाच ते सहा , कितीतरी बॉल्स शिल्लक असताना , काहीही गरज नसताना कार्तिकने समोर येऊन सिक्सर मारला. तेंडुलकरचं शतक हुकलं.
त्याच सिरीजमध्ये श्रीलंकन बॉलरने मुद्दाम नो बॉल टाकून सेहवागचं शतक होऊ दिलं नव्हतं.
टीममधील सरकारं बदलत राहो, कॅप्टन कोणीही असो “पहली पसंद” दिनेश कार्तिकच असायचा. गांगुली, द्रविड मग कुंबळे. अनिल कुंबळेनेही त्याला कायम संधी दिली. त्याचं अर्धशतक होत असेल तर इनिंग घोषित करायला थांबायचा.
पण कार्तिक कायम संधीचा संधीवात करायचा. कायम वात आणायचा.
सतत आत बाहेर केल्यावर, संधीची माती करीत गेल्यावर मोठ्या काळासाठी बाहेर गेल्यावर
013 च्या चॅम्पियन्स ट्रॉफीसाठी त्याला पुन्हा बोलावलं. पण त्यानंतरही कधीही विश्वसनीय कामगिरी केली नाही.
कायम या #डीकेने “बोसडीके” कामगिरी केली.
पण 2018 वर्षात दिनेश कार्तिकचा मेक ओव्हर झालाय. शेवटच्या बॉलवर सिक्सर मारून फायनल जिंकून दिल्यावर तो अधिक विश्वसनिय वाटू लागलाय. कार्तिकची देहबोली आता बदलली आहे.
यावेळी टेस्टमध्ये दिनेश कार्तिक असणार आहे. त्यामुळे लोवर मिडल ऑर्डर थोडी बळकट होईल. सद्यस्थितीत भारतातील सर्वोत्तम विकेट किपर रिद्धीमानसहा आहे.
पण तो बॅट्समन म्हणून अजून पक्का नाही. यावेळी तो जखमी असल्याने तसाही टीममध्ये नाही.
'छोटारिचार्ज' पार्थिव पटेल चा 'टाटाडोकोमो' झाला.
दिनेश कार्तिक मात्र त्याच्या आजवरच्या लांब कारकिर्दीत बेस्ट फॉर्ममध्ये आहे. त्याच्याकडे बघण्याचा दृष्टिकोन बदलला आहे. यावेळी त्याच्याकडुन चांगल्या बॅटिंगची अपेक्षा आहे.
पण कार्तिक टीममध्ये असला की किमान एक दोन कॅचेस सुटतील अशी आधीच मनाची तयारी करावी लागते. विकेट किपर म्हणून तो सुमार दर्जाच्या आहे. त्यामुळे ऋषभ पंत की पंत कार्तिक स्वामी असा प्रश्न टीमपुढे राहील. तरीही दिनेश कार्तिकलाच पहिल्या दोन टेस्ट्मध्ये संधी मिळणार हे पक्कं आहे.
दिनेश कार्तिककडून कधी नव्हे ती चांगल्या कामगिरीची आशा आहे. गरज आहे. क्यूकी इसबार दुष्मन को हराने का अच्छा मौका है! यावेळी त्याचा बोसडीके न होता,
कार्तिक स्वामीने टीमला यावेळी म्हणायलाच हवं "भिऊ नकोस मी तुमच्या लोवर मिडल ऑर्डरमध्ये आहे!"
- Abhijeet Panse
#ILoveTestCricket
No comments:
Post a Comment