भारतीय क्रिकेट टीम बद्दल म्हटलं जातं की ते फॉर्ममध्ये नसलेल्या बॅट्समनना फॉर्ममध्ये आणून देतात. पण याहून एक महान काम भारतीय क्रिकेट संघ करत आले आहेत, ते म्हणजे विरुद्ध संघातील पार्ट टाइम बॉलिंगचा जॉब करणाऱ्या बॅट्समन्सला मोठा बॉलर बनवणे. कॉन्ट्रॅक्ट बेसिसवर असलेल्या बॉलर एम्प्लॉयीला पर्मनंट बॉलर बनवणे.
कामचलाऊ बॉलर्सला नियमित बॉलर बनवण्यात भारतीय टीमची हातोटी असते.
नियमितपणे भारतीय टीमने क्रिकेट जगताला असे बॉलर्स मिळवून दिले आहेत.
त्यातील एक सगळ्यात मोठं नाव , “#मोईनअली”.
2014 च्या जुलैपर्यंत ज्याचं कुठेही बॉलर म्हणून नाव नव्हतं, पण भारतीय क्रिकेट संघाने ‘सुपारी’ उचलली मोईन अलीला मोठा स्पिनर बनवण्याची. सगळे कामाला लागलेत. त्यामुळे जिथे अँडरसन - ब्रॉड हे काळ ठरतील वाटत होतं तिथे भारतीय टीमने ब्रॉड माईंडेड होऊन मोईन अलीला सिरीजमध्ये 20 विकेटस भेट दिल्यात. ते ही इंग्लंडमध्ये.
जिथे स्विंग आणि सिम होणंच बॉलच्या अंगवळणी पडलं असतं. ‘स्पिन’ होऊन ‘वळण्यास’ तो आळशीपणा करतो.
पण मोईन खानने त्या भारतीय क्रिकेटटीम विरुद्ध 20 विकेटस काढल्यात , ज्या देशाच्या टीमबद्दल बोललं जातं की झोपेत जरी अकराव्या नंबरवर खेळणाऱ्या भारतीय बॅट्समनच्या 'पायावर' बॉल टाकला तरीही ते सहज डीप मिडऑनला खेळतील आणि स्पिनर्स ला खेळूनच भारतीय बॅट्समन मोठे होतात, भारतीय खेळाडू स्पिनर्स खेळण्यात सर्वोत्तम असतात.
पण याच स्पिनर्सला सहज खेळू शकण्याची ख्याती असलेल्या टीमविरुद्ध , मोईन अलीने त्याच्या स्पिन #ग्रेनेडची पिन काढून तो भारतीय टीमविरुद्ध डागला. अँड ही रिअली हॅड पन.. फन.
अलिस्टर कूकने अँडरसन आणि ब्रॉडला विश्रांती द्यायला 014 च्या दुसऱ्या टेस्ट मॅचमध्ये मोईन अली या बॅट्समनला बॉलिंग दिली. आणि पूढे इतिहास घडला. दिलदार भारतीय टीमने ने विकेटस लुटवल्यात आणि यजमान इंग्लंड संघाला मोईन खान नावाचा ‘प्रमुख’ नियमित गोलंदाज ‘गिफ्ट’ केला.
भारतीय टीमने यापूर्वी मायकल क्लार्कला मोठा बॉलर बनवला. 2008च्या सोपी सिडनी टेस्टमध्ये शेवटच्या ओव्हरमध्ये #बकवासनर बकनरला आणि बेंसनला सतत तर्जनी वर करायला लावली होती.
कधी अँड्र्यू सायमन्ड्सला मोठा बॉलर बनवलं.
2000च्या काळात झिम्बाब्वेचा एक “ रे प्राईस” नावाचा नियमित पण सामान्य बॉलर होता. झिम्बाब्वे टीम भारतात आली आणि भारतीय संघाने रे प्राईसची ‘प्राईस’ मोठी वाढवून दिली.
इंग्लंडविरुद्ध होणाऱ्या कसोटी मालिकेत ‘मोईन अली’ पुन्हा महत्वाचा घटक ठरण्याची शक्यता आहे. ते त्याने वनडे सिरीजमध्येही दाखवून दिलं. चार वर्षात मोईन अली आता परिपक्व आणि आणि नियमित प्रमुख बॉलर झाला आहे.
मोईन अलीविरुद्ध भारतीय टीम यावेळी रन्सचे मौन व्रत तोडणार ही अपेक्षा आहे आणि मोईन अलीला विकेट्सच्या बाबतीत मौन बाळगायला लावावे ही अपेक्षा आहे.
एकंदर हा “#इंग्लिशसमर” मोईन अली ,रशीद अली साठी आणि रवी अश्विन , कुलदीप , जडेजासाठी चांगला जाण्याची शक्यता आहे.
#ILoveWhiteClothesCricket
#RedcherryCricket
- Abhijeet Panse
No comments:
Post a Comment