काळा मात्र आतही काळा बाहेरूनही काळा. आहे ते असं आहे स्वीकारा नाही तर पूढे जा. मी स्वतःत बदल करणार नाही. तुम्हाला सोयीस्कर हव्यातश्या विविध छटा देणार नाही.
स्वतः पूर्णपणे स्वीकारलेला, रंगाची, विश्वाच्या अंतिम सत्याची जाणीव झालेला असा काळा ..#ब्लॅककलर. बालकाप्रमाणे खरा. आतून बाहेरन एकाच रंगात!
काळा रंग अत्यन्त शक्तीवान. याच्यापुढे कोणाचंही चालत नाही.
या काळ्या रंगापुढे कोणत्याही रंगांचं चालत नाही.
इतर सर्व रंगावर इतर कोणताही रंग फासला जाऊ शकतो. ज्याच्यावर फासला गेला त्याचे नामोनिशाण उरत नाही.
पण काळा रंग! हुकुमी बादशहा! याच्यापुढे सर्व रंग नतमस्तक!
सर्व रंग याच्यापुढे थरथर कापतात. कोणत्याही रंगावर हा आरूढ झाला की पुन्हा त्यावर कोणताही रंग चढू शकत नाही.
काळा रंग म्हणजे अश्वमेध ! एकदा याची पताका कोणत्याही रंग साम्राज्यावर फिरली की पुन्हा इतर कोणताही रंग 'काळ्यावर' उमटू शकत नाही.
काळा रंग म्हणजे वरवरून कडक स्मशानवैरागी. कोणत्याही धर्माचा हा मांडलिक नाही. इतर रंगांना वेठीस धरले, इतर रंगानी विविध धर्मांचं मांडलिकत्व स्विकारले. काळा रंग मात्र एकला चलो रे! स्वतःच अनभिषिक्त सम्राट!
काळ आणि काळा रंग हेच अंतिम सत्य.
काळ्या रंगाच्या काळाच्या मागे लागून तुकाराम, नरहरी सोनार काळात एकरूप झालेत. अजूनही हा काळा सहस्त्र वर्षांपासून लोकांना आपल्याकडे आकर्षित करतोय. आषाढातील काळ्या ढगांमुळे शेतकरी आनंदित होतो.
असा हा काळा रंग चिरंतन ! ब्लॅक होल! पुन्हा यातून सुटका नाही.
#Blackisin
-अभिजित दिलीप पानसे
No comments:
Post a Comment