अमर अकबर अँथनीमधील परदा है परदा “ ऋषी कपूरवरील हे गाणं मोहम्मद रफी यांनी गायलेलं आहे. पण गाण्यात अमिताभ बच्चन म्हणजे अँथनी हा “तो अकबर तेरा नाम नही है!” उठून एक लाईन म्हणणार हे दिग्दर्शकाने वेळेवरती केलेलं इम्प्रेवायजेशन होतं.
पण त्यामुळे अमिताभ बच्चनची ती ओळ कोण गाणार हा प्रश्न पडला संगीत दिग्दर्शकांना पडला.
सुपरस्टार असलेल्या अमिताभ बच्चनला फक्त किशोर कुमार यांचाच आवाज लागायचा. पण मोहम्मद रफी आणि किशोर कुमार यांच्यात मीडियाने निर्माण केलेली स्पर्धा असा तो काळ असताना, संपूर्ण आणि हिट होणारं गाणं मोहम्मद रफी गात असताना किशोर कुमार यांना फक्त एक ओळ गायला कसं सांगणार!
आधीच ते त्यांच्या मनस्वीपणासाठी- व्हिमजिकल वृत्तीसाठी प्रसिद्ध असताना कोण धोका पत्करेल. अहंकार दुखावून नाराज होऊन पुन्हा आपल्यासोबत काम करायलाच नाही म्हणतील ही भीती संगीतकारांना होती.
तेव्हा लक्ष्मीकांत पॅरेलाल यांनी मोहम्मद रफी यांच्या घरी जाऊन त्यांना विनंती केली की तुम्ही। स्वतः किशोर कुमारला ही ओळ गायला सांगा.
निर्गवी मोहम्मद रफी तयार झालेत. ते किशोर कुमार यांना भेटलेत.
एका मोठ्या गायकाने दुसऱ्या मोठ्या गायकाला मैत्रीपूर्ण विनंती केली, की ही ओळ तुम्ही गावी अशी माझी इच्छा आहे.
किशोर कुमारने ताबडतोब म्हटलं हा क्यू नही मैं जरूर गाउंगा!
ऋषी कपूर गात असतो “तो तो तो…”अमिताभ बच्चन चालू कवालीत गाण्यात उठून म्हणतो “अकबर तेरा नाम नही है!” ही ओळ किशोर कुमार यांनी गायलेली आहे.
संपूर्ण गाणं मोहम्मद रफी यांचं फक्त ती ओळ किशोर कुमार यांची . परदा है परदा” सिंगर मध्ये फक्त मोहम्मद रफी यांचंच नाव अजूनही दिसतं.
ही आठवण लक्ष्मीकांत/ पॅरेलाल यांनी रेडीओवर इंटरव्ह्यूमध्ये सांगताना ऐकली होती.
जुन्या पिढ्या कायम , मोहम्मद रफी की किशोर कुमार यांत विभागलेली होत्या. आताही आहे.
मोहम्मद रफी यांचा स्वर्गीय सुफी आवाज, तांत्रिकदृष्ट्या परिपूर्ण, शिकून तयार झालेला मनाला आनंद देणारा आवाज..
तर किशोर कुमार यांचं रॉ , पारंपरिक नसलेलला, ठराविक मानदंडास छेद देणारा सोल सुदिंग व्हाईस..
देवानंद , मग सुपरस्टार राजेश खन्ना त्यानंतर सुपरस्टार अमिताभ बच्चन यांना कायम आवाज देणारे किशोर गांगुली.
किशोर कुमार यांच्या अवजाची खासियत म्हणजे ते जेव्हा देवानंद साठी गायचे तेव्हा देवानंदच पडद्यावर गातोय असं वाटतं, राजेश खन्नावेळी स्वतः काकाच ते गाणं गातो आहे असं वाटतं आणि “ द अमिताभ बच्चन” ला प्ले बॅक देताना वाटतं की अमिताभच गातोय.
अभिनय, गायन, दिग्दर्शन .. ऑलराउंडर किशोर कुमार.
बाकी सब शोर लिसन टू ओन्ली किशोर!
- Abhijeet panse
No comments:
Post a Comment