दृष्ट पोलॉकासुर आणि हिंस्त्र डोनाल्डासूराचा वीराद्वारे अंत

महान भारतीय वीराला जन्मदिनाच्या शुभेच्छा
"#दृष्ट_डोनाल्डासुर व #पोलॉकासुराचा #वीराद्वारे अंत"

तो १९९८ चा काळ होता.आमच्या #गोकुळात आम्ही #बालगोपी भयग्रस्त झालेलो होतो.
गोकुळावर #असुर_गोलंदाज वेगाने हल्ले करीत.

त्या काळी असुर गोलंदाजांना रोखण्याची पुरेशी योग्य कुमक गोकुळाकडे नव्हती.
सचिन तेंडुलकर नामक देवाचा अवतार आणि नुकतेच सैन्यात सामिल झालेले #ऋषीतुल्य_द्रविड आणि #क्षत्रिय_महाराजा गांगुली हातात फळीचे शस्त्र घेउन हल्ले परतवुन लावित.

त्याकाळी आफ्रिका नामक
"#क्रोनिये_कंसाच्या" राजवटीने सगळीकडे धुमाकुळ घातला होता.कारण त्यांच्याकडे दोन बलाढ्य राक्षस होते.
एक अलन डोन्लाडासुर आणि दुसरा शॉन पोलॉकासुर.

यातही #डोनाल्डासुर हा अत्यंत घातक चालाख निर्दयी होता आपल्या वेगवान गोलास्त्रामुळे त्याने आतंक माजवला होता.
पाच दिवसीय युद्धात तर शुभ्र वस्त्र परिधान करून; हातात जळतं लाल #गोलास्त्र घेत; सध्या कलीयुगातील तरूण युवती #ओठांचा_चंबू करून स्वतःचे छायाचित्र काढतात.त्याच प्रकारे हा डोनाल्डासूुर ओठांचा चंबू करत शत्रुवर काळ बनुन तुटून पडायचा!

१९९८ साली या #आफ्रिकेने आमच्या देशावर आमच्या गोकुळावर आक्रमण केले.या दोन्ही असुरांनी आग ओकली.आमचे अनेक रथी महारथी धारार्तिथी पडलेत.
गांगुली नामक डावकरी योद्ध्याने त्याच्या डाव्या बाजुला अनेक नेत्रदिपक फटके हाणत आफ्रिकेचा मारा परतवण्याचा प्रयत्नांची शर्थ केली.
पण गोकुळ युद्ध हरले.

वातावरणात भय होते.आम्ही गोप दु:खात भयात जगत होतो.

पुन्हा एकदा भारताचे आणि दक्षिण आफ्रिकेचे युद्ध रंगले.यावेळी तर युद्धभूमी साक्षात आफ्रिकेची भूमी होती.
परिस्थिती अत्यंत बिकट होती.
तेथिल भूमी अत्यंत टणक..वातावरणात बोचरा गारवा..हवेतच गोलास्त्र दोन्ही बाजुला आत बाहेर हलत.

आफ्रिकेकडे "#जॉन्टी_रोऱ्ड्स" नावाचा #गुरूत्वाकर्षणावर विजय मिळवलेला हवेत सुर मारणारा असुर होता.
आफ्रिका अजेय होती कारण त्यांचे "##क्षेत्ररक्षण" उच्च होते.

अथक प्रयत्नानंतर गोकुळाने अंतिम युद्धात प्रवेश केला आणि आफ्रिकेसोबत त्यांच्याच भूमीवर अंतीम युद्धास प्रारंभ झाला.
क्रोनिए कंसाने दोन्ही असुरांना आक्रमणास पाठवले.
"#दिवसरात्र"युद्ध चालले.
ऋषीतुल्य द्रविड..देवदुत तेंडुलकर  या रथी द्वयीने सोबत मिळुन डोनाल्डासुर व पोलॉकासुरावर हल्ला चढवला.विजय समिप आला होता.आफ्रिकेच्या भूमीवर इतिहास रचला जाणार हे दिसत असतानाच घात झाला!
घात झाला!
डोन्लाडासुराने युद्धाचे नियम मोडत तेंडुलकर आणि द्रविड वर गलिच्छ #वाक्बाणांचा वर्षाव केला.

हे काय प्रत्यक्ष #देवावतारी_सचिन व  #संतशिरोमणी_द्रविड त्यांच्यावर गलिच्छ वाक्बाणाचा वर्षाव! त्यांच्याशी धक्काबुक्कीचा प्रयत्न्!
त्यामुळे रथी द्वयींचे केंद्रित लक्ष विचलीत झाले. आणि शेवटल्या क्षणी आमचा देश युद्ध हारला.
#इतिहास रचता रचता
#इति ऱ्हास झाला.

आमच्या देशाला फितुरीचा शापच आहे!याच काळात पुन्हा हे स्पष्ट झाले!
आमच्या
देशाचा कप्तान आणि काही सहकाऱ्यांना "#फिक्सिंगच्या" फितुरीमुळ देशद्रोहामुळे तडीपार करण्यात आले.

गोकुळात भयाचं वातावरण होतं.त्या दोन डोन्लाडासुर पोलॉकासुरासमोर आम्हाला वाचवणारा कोणी वाली उरला नव्हता.
त्रेतायुगात  ऋषींवर आक्रमण करणाऱ्या राक्षसांचा बंदोबस्त करण्यासाठी विश्वामित्र ऋषींनी "#ज्येष्ठ_तुझा_पुत्र_मला_देइ_दशरथा.."म्हणुन राक्षसांचा बंदोबस्त केला होता.

पण आता कोण करेल आमचं रक्षण???

आम्ही प्रार्थना करू लागलो.

संत देवीला आळवु लागलेत.

"#दार_उघड_बये_दार_उघड!

हे भवानी! हे महालक्ष्मी! हे सप्तशृंगनिवासिनी दार उघड!

दार उघड बये दार उघड!!

आणि देवीने दार उघडले!!

 एक आकाशवाणी झाली!

"कंस क्रोनिए..दृष्ट डोन्लाडासुर आणि प्रचंड पोलॉकासुरांचा अंत आता जवळ आला आहे!
या कंसासुरांचा नाश करण्यासाठी नजफगडामध्ये एका "वीराचा" वर्षांपर्वीच जन्म झाला आहे!"

 २००१ मध्ये "विरेंद्र सेहवाग" नावाचा एक अपारंपारीक युद्धशैली असलेला.."बेदरकार..
आक्रमक..#शठं_प्रति_शाठ्यं"वृत्ती असलेला योद्धा सैन्यात सामील झाला.

त्याने आफ्रिकेत जाउन पराक्रम गाजवला.शॉन पोलॉकासुराला बऱ्यापैकी नामोहरम केले.पण तरिही आम्हाला त्या वीरातील दैवी शक्तीचा साक्षात्कार पुर्णपणे झाला नव्हता.

२००२ मध्य़़े "champion trophyनामक  लघु  जागतीक युद्ध झाले.त्यात न भुतो न भविष्यति असा पराक्रम "वीरानेे" केला.अँलन डोन्लाडासुरावर आक्रमण करीत सलग ४ चौकास्त्र डागलेत.त्याची पळता भुई थोडी केली.

आम्हाला आमच्या डोळ्यांवर विश्वास बसेना!
 वीराने डोन्लाडासुरावर आक्रमण करत आफ्रिकेचा पाडाव केला!
आणि तेव्हा आम्हाला देवीची झालेली आकाशवाणी आठवली!आम्हाला साक्षातकार झाला की हाच तो दैवी वीर!

डोन्लाडासुराचा अंत झाला होता.आकाशातुन विरावर  #पुष्पवृष्टी झाली!गोकुळातील प्रजा सुखी झाली.

तिथुन पुढे काही दिवसातच डोन्लाडासुराने संन्यास घेतला.

पुढे २००३ मध्ये जागतीक महायुद्ध झाले.आफ्रिकेच्या भूमीवर आमचा देश अद्वितीय खेळला!पण नेमक्या अंतीम युद्धात ऑस्ट्रेलिया नामक बलाढ्य देशाने भारताता पराभव केला.या लढाईतही हा एकटा विरेंद्र वीर शेवटपर्यंत अभिमन्यु सारखा लढला.

यानंतर पोलॉकासुरही युद्धातुन बाद झाला.

या प्रकारे या अहिरावण महिरावणांचा अंत झाला.

पुढे वायव्ये कडील "पापस्थानात" जाउन वीरानेे पराक्रम गाजवला.

अनेक वर्षांपासुन त्रस्त करणाऱ्या;
"#दुसरा" नामक अस्त्राचा सर्वप्रथम शोध लावणाऱ्या "सकलेन मुश्ताक" नामक दैत्याचा अंत केला!
शोएब अख्तर नामक वेगवान दैत्यालाही सळो की पळो करून सोडले.

#मायावी_मयासुर_मेंडीस जेव्हा जगात आतंक पसरवत होता तेव्हा याच विराने त्याच्या मायावी शक्तीचा नाश केला.

२०११ मध्ये पुन्हा एकदा #जागतीक_महायुद्ध जाहले.कुरूक्षेेत्र भारतभूमी  होती.
या जागतीक युद्धात वीराने वीरता गाजवली.प्रत्येक युद्धाच्या सुरवातीलाच चौकास्त्र डागलेत.लंकेसोबत झालेले अंतीम युद्ध देशाने जिंकले आणि विजय प्राप्त केले.देशाला विजय पत्र प्राप्त झाले.अश्वमेध पुर्ण झाला.
आकाशातुन यक्ष(Brands)..
किन्नर(news channels)..
इंद्रादी(BCCI BOARD)पुष्पवृष्टी करू लागलेत.

वीराने ज्यासाठी जन्म घेतला होता ते कार्य पुर्ण झाले.

रामालाही वनवास चुकला नाही..त्यामुळे कर्म सिद्धांताप्रमाणे या विरेंद्र वीरालाही पुढे परिस्थितीचे चटके सहन करावे लागले.

आता त्यांनी Sehwag international school नामक गुरूकुल स्थापन करून  सक्रिय युद्धातुन निवृत्ती घेतली.

आमच्या गोकुळाचे डोन्लाडासुर..पोलॉकासुर..मायावी मेंडीस मयासुरापासुन..दृष्ट यवनांपासुन तआमच्या गोकुळाच रक्शण करण्याबद्दल देशाला विजयी  करण्यासाठी आम्ही सर्व  विरेंद्र वीराचे नेहमीच आभारी राहू.
त्यांच्या जन्मदिनानिमित्त ह्या शब्दसुमनांच्या शुभेच्छा.

-Abhijeet Panse